Zakhmo Se Gosha-e-Dil-e-Veeran Saja

Zakhmo Se Gosha-e-Dil-e-Veeran Saja Liya..

Hum Ne Khizaan Me Jashn-e-Bahaaran Mana Liya..

Sooraj Ki Chaal Chal K Bayabaan Ki Dhoop Ne,,

Ek Be-Kafan Darakht Ka Saaya Chura Liya..

Barbadiyon Ki Raat Meri Bebasi To Dekh,,

Girte Hue Makaan Ne Mera Aasra Liya..

Yaron Ka Zikr Kiya? K Wafa Ki Talash me,,

Hum Ne To Dushmano Ko Bhi Apna Bana Liya..

Aahat Suni Hawa Ki To MOHSIN ne Khouf se,,

Jalta Hua Diya Tah-E-Daaman Chhupa Liya…!

Zakhmo Se Gosha-e-Dil-e-Veeran Saja, 9.9 out of 10 based on 7 ratings Submitted by: ALI ROCKS 03462602773