Safha-e-Waqt

Safha-e-waqt pe tehreer badal jati hai,

Aayat-e-hijr ki tafseer badal jati hai

Aisa aik waqt bhi aata hai meri neend pe jab,

Khwab se pehle he ta\\\’beer badal jati hai

Ab to har Lamha mera Qaid mein cut jata hai,

Farq sirf itna hai zanjeer badal jati hai

Waqt har baat ko mehfooz to kar Leta hai,

Haan magr baat ki taa\\\’seer badal jati hai

Parhta rehta hoon mai haathon ki Lakeerain youn b,

Mai ye sunta tha k taqdeer badal jati hai…

Be Sociable, Share!

•